محتوي الموضوع
نقدم لكم هذه المقالة من موقع احلم بعنوان اشعار عراقية حزينة عن العتاب شعر جميل جدا ، وفيها نقدم لكم مجموعة من أوهذه الأبيات الشعرية عن الحزن والعتاب، فالعراق او كما نسميها بلاد الرافدين كانت مهد الحضارة والأدب والشعر والشعراء وكانت حاضرة الخلافة اٌسلامة، فأجداد العراقيين تغنوا وقالوا الشعر في بلاط الأمراء والخفلاء، فلا عجب أن تجد أحفادهم يبدعون في الشعر في جميع نواحيه.
وكما يوجد العديد من البيئات الشعرية في الوطن العربي مثل الشعر الخليجي والشعر السعودي الشعبي أو كما يسمونه الشيلات، كذلك يوجد في العراق شعر شعبي نبطي، ويستخدم الشعراء الشعر في التعبير عن كل ما يجول بخواطرهم سواء كان حب أو حزن أو فرح وسعادة أو ألم وعتاب، في هذه المقالة اخترنا لكم مجموعة من الابيات عن الالم والعتاب نرجو ان تنال اعجابكم
اشعار عراقية حزينة عن العتاب:
قصيدة بين الحب والكبرياء
تأخرتوا علي طولتوا يمه
قلقتوني شنو الشغلة المهمة
مو مشكلة احجولي شكَال ما كَال
اشم بثيابكم ريحة مذمة
صرت ماضي ونساني وما اهمه
انتهى كلشي ويريد ابري الذمة
انه تخوني ذاكرتي مرات
رحمة لوالديكم هو شسمة
حسباله يجيني الخبر وانهار
سبع سنين اظل عايش الصدمة
امشي عله البحر اكَضيها صفنات
احب ضي الكَمر وتحبني نجمة
واشخبط ع الرمل وابنيله تمثال
واظل ابجي وتجي الروجه وتهدمه
ويملون اهلي من الاطباء
يتجهون بية عله الائمة
خطية هواي يحلم رايح بعيد
وفرق ما بين حلمي وبين حلمه
حلم مرة حلمت جن امشي وياك
حلم زرت الحلم كَصيت جدمه
ناصبلة مشانق حتى بالبال
بس يخطف طاريه علي اعدمه
انه وثم انه وكان من كان
اصبعين عله روحي ما اقدمه
كَلكٌم عافني ويرجعلي هيهات !!!
جا شمتاني ميسويله هِمه !
انا البايكَـ ضواه خلي سنه يغيب
وترس ريتي هواه ما حاجه اشمه
السواه سوه غيره هواي عشاكَـ
ينتظروني آشرلهم لعلمه
بس هو صدكَـ ما كَال مشتاكَـ ؟
لا يشتاكَـ لا فد … هي قسمة
شبيها عيوني يمكن لاحها تراب -_
ماباجي عسى بهاللحظه تعمه
خابرته شوكت ؟؟ بالغلط دكَيت
مرتين وطلع خارج الخدمة
من يمهم فتت !! أي يعني وشصار ؟
حضرته المنطقه مسجلها بأسمه
كعدت ببابهم كَلوله غلطان ..
وكَع مني دمع دنكَت المه
ولو طالع مْسَلّم ما احاجي
بس بكَلبي اكَول الله يسلمه
تتوقعون اريد اتصالح وياه ؟؟؟
بشرفكم تالي عمري اكسرلي كلمة ؟
اشايف روحه اتنازل واراضيه ؟
اذا راضيته اكَلكم وين اعزمة !!
انه الخوش زلمه وما اطخ راس
لكن بالعشكَـ مو خوش زلمة ^_*
قصيدة اخرى:
اليعجبة بكلبي يسكن لا يجرحة
والما عاجبة خلي يتنحى ☹
هاي الناس ثاري تسبب امراض🙁
خيرهم صحبتة تسوي قرحة
اريد ابتعد عنهم كبل مااموت
مدام الله بعد منطيني صحة
اطكهم شلع حتى المستعز بي
الكتبتة بمي ذهب هم راح امسحة ☹
ربعي تربعوا فوك ويذبحون اضربلك مثال انطيك لمحة 😟
واحد كل دقيقة يريد تقرير
بيش الساعة انام ويمتى اصحى ☹
ويا هو المر عليك ويا هو حاجاك
قصيدة أخري للشعار العراقي يحي العلاق عن فراق والده:
كوم احظني بويه
وبوسني اترجاك
بويه شبيك ساكت
هذا مو ملكاك..؟
اتلاكيني جنت
ملكه الطفل للعيد
ها بويه كمت
والموت ما خلاك
روحي وكلبي اخذهن
بويه اخذهن هاك
ما الهن ضرورة
تعلعلن بجفاك
يابويه تعال
البيت مابي روح
شو حتى السوالف
فاهيه بلياك
والبيبان طلعن
حافظات الطول
يوميه ينشدن
وين طولك ذاك
الايام انكضت
وعيونه اتحوم
سولتهن سهر
وي ذكرياتك
اهنا كاعد جنت
وهنا تغديت
اهنا مديت سجادة صلاتك
بيتك ناطرك
ويريدك اتعود
وهدومك يبويه امتانياتك
الغيرك مايصيرن
جذب هيهات
اليفك ازرارهن كون ابغلاتك
مشتاكيلك
كد طيبة البيك
والك وحشة بكبر كسرة بناتك
والك وحشة بكبر كسرة بناتك
وفي الختام نرجو أن تكونوا قد استمتعتم بما قدمناه لكم من أبيات شعرية بعنوان اشعار عراقية حزينة عن العتاب شعر جميل جدا، وأن تكونوا قد وجدتم في تلك الابيات والقصائد ما يواسيكم وما تبحثون عنه، وللمزيد من الشعر بأنواعة المختلفة يمكنكم زيارة قسم شعر في موقعكم موقع احلم، فهو مليئ بالعديد والعديد من القصائد والابيات الشعرية المختلفة الاغراض لمختلف الشعراء قديما وحديثا، سعدنا بمروركم الكريم ونرجو أن نكون عند حسن ظنكم.
