محتوي الموضوع
نقدم لكم هذه المقالة من موقع احلم تحت عنوان اشعار حب عراقية قصيرة ابيات جميلة جدا للمتزوجين، فالحب هو انجذاب بين رجل وامرأة، والعلم بين لنا أن الحب يؤثر على المخ، فيتغاضى بعض الأحبة عن أخطاء أحباءهم، وللحب أسماء متعددة منها المحبة، الهوى، الشغف، الوجد، والنجوى، الشوق، الود، والهيام، والحب يرتبط بالتضحية، لكي يكتمل الحب، ويسعد ويهنأ الأحبة، ولقد تناول الشعراء في العراق الحب في قصائدهم، فاستخدموا الكلمات والجمل الشعرية القوية والفصيحة، لكي يصفوا بها مشاعرهم وحبهم لمحبوباتهم، كل هذا بصدق وعمق شديدين وواضحين. قالت الشاعرة شهد الشمري:
محتاجة كلش إلك يلي شاغل انت الفكر
محتاجة إلك مو حجي وارتاح من ينذكر
هنيّاله من كابلك يا أحلى صورة شعر
محتاجة إلك ما تجي ما باقي شي بالعمر
زعلان؟ ليش الزّعل زعلان آنه اعتذر
بس ارجع لخاطري صير على نحري
شعر حب عراقي:
قال الشاعر عبدالحسين الجلفي:
أحبك مو لأن انت حلو لا
لأن روحي التقت كبلي ولك بيك
اذا إنت تمُّر ع الأعمى يصيح الله
والأخرس لَّون حاچيته يحاچيك
أذب كلبي على سهمك وآنه مجروح
واكلك دير بالك أخاف أأذيك
إجرَّحني ولك بس كون عالكيف
لأن إنت ويَّه دمي وخاف أبديِّك
إجرحني ولك بس كون ما موت
حتى مِن يتهموَنك أبريّك
على المراية وكفت ما شفت وجهي
وشفت وجهك طلعلي وكمت أحاچيك
وثبت بمرايتي وجهك مرايات
وأباوع وجهها مرايتي بيك
بكذلتك شِّد ركبتي وطلع الروح
أريدنها بعد تتكرب عليك
أنت بحضني واكول بعيد
اريدن هيچ كون آنه انخبط بيك
بيا شارع مشيت كبالي ألاكيك
أفوت بغير شارع هم ألاكيك
أرد للبيت كبلي الكاك بالباب
اطب كبلي تطب وتكلي أتانيك
بغيرك فكّرت كلت آنه أنساك
طلع غيرك يشبهك وفكرِّت بيك
طلع غيرك يشبهك وفكرِّت بيك
الشاعر محمد رحيمة الطائي:
هو / اشلونچ يا أعز
الناس عندي ..
هو الگلب چم أحبيبه عنده ..
هي / هزني الشوگ
عالموعد اتانيك ..
وأعد بيدي الدقايق
وحده وحده ..
وحده .. اثنين ..
هاي الثالثة تروح ..
اتاني وصار هالموعد اشبعده
نمت حسبالي
اشوفك بالحلم جاي ..
وگلت دمعاتي احطهن وسط خده
هو / نمتي .. هنيالچ غفيتي ..
وآنة ليلي يمر على
عيوني صبح
الينيَّم وردة ويمسد عليها..
مو مثل ليلولي وينيم جرح .. !!
والغفه ابكلمة محنه ..
مو مثل الينام وبعينه ملح ..!!
هي / لا حبيبي ..
آنه هذا الليل من يمرني دمعة..
وحزن.. واشواگ .. وحنين
آنه عيني عليك ما بطل دمعها ..
تبچي ما تسكت العين ..
هو / لا .. لا تبچين ..
امسحي دمعتچ
وارجوچ لا تبچين ..
يل دمعچ جمر
وخدودچ احلى أورود ..
خايف على اخدودچ من دموع العين ..
لا تبچين ..
وردة وتحترك ما تحمل النيران ..
يذبل كل ورگها وتستحي من الطين ..
هي / وانت تگلي لا تبچين ..؟
مو عمري انتهى .. وايامي كلها أتروح ..
لو راح العمر متگلي اجيبه أمنين ..؟
هو / لا تبچين ..
المن بعد المن تسوه دمعه أتطيح ..
هو اشباقي بينا
ونحترك كل حين .
قصيدة أخري رائعة الجمال:
احن لگلبك الما حن واتلذذ بهجرك والوصل وياك
واذكرك وابتسم ونوب ارد احزن
حلات الذكرى من وياها دمعه طيح
شفتك تبتسم ركعه بصلاه الون
سلام الگلبك الماحن
وسلام لدمك البارد
يلماگتلي اجيك شمال افشل الروح
ليش اكشخ وانطرك جني متواعد
ومن الروائع العراقية:
انا اشتاگيت يالماخذ الروح
ولا ادري بغيابك راح اهم بيك
شسولفلك عليه شلون مشتاگ
خل اسكت حبيبي خاف ابچيك
وحق حبك ياغالي ضايج هوااي
وماارتاح والله الا من احاجيك
قصيدة اخرى:
شحيت عني بشوفتك
وديلي لو بس صورتك
بس صورتك هم كافيه
مشتاكلك ماحصلك
جن شايب وحنيت الك
لمن يحن للعافيه……
لاشك أن الشعر العراقي عن الحب على اختلاف أنواعه، يتميز بالعراقة والأصالة التي جعلته فريدا عن غيره من الشعر، فهو يتميز بالربط بين الماضي الذي يتسم بالعراقة وتناول الأزمات المتتالية الحدوث، والشعر العراقي عن الحب يعكس حساسية الشاعر وصدق مشاعره المتدفقة، والحب عند الشعر العراقيين ترك أثر واضحا في الشعر العربي، فخرج من العراق أعظم الشعراء منهم سعدي يوسف، بدر شاكر السياب، أحمد مطر،و نازك الملائكة وغيرهم الكثير والكثير من نوابغ الشعر، حيث
